in memoriam
free html5 templates

Jacques Hendriks euverleeje

Hae is neet mjè....”ozze” Jacques...
ein van de nestors van de Jeugkarnaval in Aelse.
In 2019 vierde veer nog saame zien 4x11 jubileum.
Wat haet ‘r dao van genaote!
Veer bedanke Jaques veur alles wat hae veur de jeugkarnaval
en veur oos es Komitee beteikent haet! Veer gaon ‘m misse! 
Veer wunsje de familie hjèl väöl sjterkte toe! Jacques...rös zach!

Jan III Wilting euverleeje

Aafsjeit numme is altied zwaor, zeker es het zwa onverwachs kump.
Ozze Auwt Prins Jan de Wilting is neet mjae bie os. Jan waor ein van meis aimabele luuj van Aelse dae de carnaval en zeker zien Aelser Revue altied ein werm hart haet toegedraage.
Nao Henk verleeze veer op korte tied alweer ein van de eminence grise van de vastelaovend in Aelse. Opa Jan, veur gaon ug vreselijk misse, 't geit uch good en rös in zach.
 Veer wunsje naames alle Sajelaire eederein, mae Marie, de kénjer, kleinkénjer en achterkleinkénjer in het biezunjer jèl väöl sterkte toe.

Henk I Steevens euverleeje

 Oos haet het dreuvige berich bereik dat Henk Steevens het tijdelijke veur het eeuwige haet verwisseld. Veer zeen ontzettend dankbaar veur alles wat hae veur Aelse en de Aelser vastelaovend haet beteikent. Henk waor eine fantastische man mit ein hart van goud.
Es (auwt)prins, veurzitter van de Auwt Prinse, wielrenner, 6x11 jubilaris, ploegleider, pap, opa en nog veul mjae waort Henk euveral gewaardeerd. Henk, veer gaon ug misse mae zeen ontzettend dankbaar veur alles wat geer veur os allemaol beteikent höb.
Henk, het geit ug goot.
Veer wunsche names gans vastelaovesvierend Aelse alle naobestaonde,
familie en vrundj jhel veul sterkte toe

Willie Lahaye euverleeje


Eine stille, helle mitwirker van oos Decorploog is oos ontvalle.
Willie waor twintig jaor lid van de decorploog, trooj nwats op de veurgrondj en deech
zien dink en holp woo nwèddig. Verve, naegel oetrekke, get vassjroeve, willie waor d'r.
Grwètsj waor hae auch op "zien decors van de Aelser Revue en kleinzoon Lars dae hae vanachter de koeliesse kósj bewonjere". 
Willie, bedank veur diene inzat, rös zach.
Naames alle Sajelaire wunsje veer Gerda, de kenjer en kleinkendj alle sterkte toe.