Mobirise
html web templates
Mobirise

de drie prinse
van Aelse !! 

op nao eine sjwanne Vastelaovend 

Prins Cyriel I

Cyriel Dublislav

1

Drie jaor is Roel I Hochtenbach Prins gewaes van de Sajelaire. Dit is nog nwats veurgekomme in ’t ganse bestaon van de Aelser Vastelaovend en veer houpe dat dit auch nwajt mer hoof te gebäöre. Zaoterdig 14 jannewaarie waor ’t zwawied. de Galazitting!!! Veuraaf waore d’r jhel get kandiedaate die in beeld kaome. Gooj artieste, woo-onger Beppie, oos eige Aelser hauf-finaale-LVK artieste Claire, Wild-Vleisj en Ivo en eine echte heuse duitsje dansgroep die de móndj veur meinig-ein deeg aopevalle van verbazing. Ein verhaol van eige “auwe prins” dae al jaore Prins waor en mer neet koos aaftraeje gemaak door Paul, Roy, Aaron en Niels. Nao jhel get hielaariese momente waor ’t zwawied…. Van ellef nao ein en dao is ha dan, jaore op gewach. Prins Cyriel I Dubislav. Cyriel is de kleinzoon van Jan en Annie Bours en is ein naefke van Ans van Willie van de Dikke Stein. De pap en de mam höbbe auch jaorelank bie de Dikke Stein geholpe mit fjèste. Hie haet Cyriel al vreug kennis gemaak mit Sneeuwitjes en later Sneeuwitjes zónger seeve-up. Zien hoes woont baove aan de Col du Meuse, de Maasberg hoesnummer tsjwè. Cyriel woont dao saame mit zien verloofde Genevieve (mesjien in zie prinsejaor nog zien vrouw) en hun tsjwè dogters Lisa en Anna. Dogter Lisa is ’t jetste maedje dat biej de Jeugraod is. Cyriel is in ’t dagelikse laeve direkteur-eigenaer biej de Stofberg Groep, Fysiotherapeute. Wiejer is hae ongernummer in de zörg, bestuurde, verbénjer, veurzitter van de eksaamekommissie biej Vista, lid van de Lions en sporter. Kortom eine jóng dae neet stilzit.

Jeugprins Job I

Job Gerits

1

Jeugprins Job I is oetgeroope tiédes de Kénjer Revue. Naodat Jeugprins Cyriel waor aafgetraoje mos men op zeuk nao eine nuuje jeugprins. jhèl väöl kénjer waore nao 't Maaslandsentrum gekomme. Nao 't aaftelle kaom Job teveursjien. Job Gerits woont in de Slakberg (wie toepasselik veur eine Prins) Job zit in groep zeeve en is eine van drie breurkes Gerits. Pap Rolf en Mam Cecile zin grwètsj op hunne jeugprins. Job voetbalt bie de JO-11 en hae kiépt jhèl gaere. Auch is Job bie de Scouting, hae is Nestleider biej de welpen. Job maak auch gaere meziek en speelt gaere DJ. In ziene euverige vrieje tied deit hae gaere geeme en auch ein bezeukske aan de Sienema is aan häöm waal betseijt. Ein jhèl sjwan toeval is dat de auwers van Job en de Prins mit zien Prinses al mjè es drie-en-dertig jaor jhèl gooj vrunj zin. Dat geit get gaeve deeze Vastelaovend

Seeniejooreprins Toby I

Toby de Beer

1

Op goonsdichmiddig nao de Galazitting is ’t ein tradiesie dat de seniejoorezitting is. Väöle seeniejoore van Aelse mer auch van boete Aelse wiste de waeg weer te vénje nao ’t Maaslandsentrum. Ein sjwan programma mit Huub Stassen en Gilbert Petit en oos eige Patronaatsknöppele. Nao drie jaor woorte de verseersele van Leon I Quix van häöm aafgenomme en mos men op zeuk nao eine nuuje prins. Graad Beckers ging op zeuk mit de Knöppele in Tiroolse sfeere. Dr wort aafgeteld van ellef nao ein en dao waor hae: Seniejoore Prins Toby I de Beer. Toby woont aan de Staasjewaeg, haet ein eige zaak, Crealisa, maak en hènjelt in tuinbeelde, ornamente en is maaker van ’t Aelser Gusjke. Aan zien ziej steit prinses Bianca de Beer Tax. De pap en mam van Bianca houwe vreuger Café Tax (noe Trefpunt). Veer vermoede dat Toby zien auch op Bianca haet laote valle wie Bianca agter de tap sting. Toby zaot d’r gaere veur. Saame höbbe ze tsjwè dogters, Lisa en Ilse.