Prins Ludo I Pepels, geine onbekende in 't (muziekaale) Aelse. De kleine man op de grwatte Tuba. Ludo is gertouwt mit Marijn en ze höbbe tsjwè kénjer, Lenn en Jur. In 't dagelikse werk is Ludo seeniejorwirkveurbereijer biej van Wijnen. In ziene vrieje tied maak hae meziek bie de Sajelkapel Aelse en Brassband Blauw Breurs.
Jeugprins Gus I is oetgeroope tiédes de Kénjer Revue. Naodat Jeugprins Kay waor aafgetraoje mos men op zeuk nao eine nuuje jeugprins. jhèl väöl kénjer waore nao 't Maaslandsentrum gekomme. Nao 't aaftelle kaom Gus teveursjien. Gus voetbalt biej SV Haslou hae drump gaere speelt toneel en hilt natuurlik van carnaval viere. Gus woont aan de Burg. Eussenstraot, zoon van Marjolein en Guido en breurke van Fien
Op goonsdichmiddig nao de Galazitting is ’t ein tradiesie dat de seniejoorezitting is. Väöle seeniejoore van Aelse mer auch van boete Aelse wiste de waeg weer te vénje nao ’t Maaslandsentrum. Drie Keuninge is noe tsjwè weke veurbiej en dus woort d'r op zeuk gegange op eine nuuje Prins. Dae höbbe ze gevónje. Rob I Paes, Precies 11 jaor naodat ziene zoon Jasper I J`eugprins waor van de Sajelaire. Rob is getrouwt mit Anouk Janssen en ze höbbe tsjwè kénjer, Zoon Jasper en dogter Brechtje. Rob is autoverkuiper biej Wealer en in ziene vrieje tied truk hae gaer de wènjersjoon aan.